सिंधुदुर्ग साईकृपा अपंगशक्ती बहुउद्देशीय शिक्षण संस्था, कसाल

     ही संस्था २०१० साली स्थापन करण्यात आली असून, दिव्यांग व्यक्तींच्या सर्वांगीण विकासासाठी सातत्याने कार्यरत आहे. संस्थेचा मुख्य उद्देश म्हणजे — समाजातील प्रत्येक दिव्यांग व्यक्तीला शिक्षण, आरोग्य, रोजगार, पुनर्वसन आणि सामाजिक सन्मानाचे अधिकार मिळवून देणे.

     संस्थेच्या माध्यमातून विविध उपक्रम जसे कि, आरोग्यसेवा, समाजसेवा, व्यावसायिक प्रशिक्षण, दिव्यांग पुनर्वसन, महिला सक्षमीकरण, तसेच युवक विकास इत्यादी कार्यक्रम राबवले जातात. आजवर ४५००+ दिव्यांगांना उपकरण वितरण, २५००+ वैद्यकीय सहाय्य, आणि ३०+ दिव्यांग उद्योजक घडविण्याचे उल्लेखनीय कार्य संस्थेने केले आहे.

     संस्थेचे संस्थाध्यक्ष श्री. अनिल शिंगाडे हे एक तपाहून अधिक वर्ष या क्षेत्रात कार्यरत असून, ते अनेक पुरस्कारांनी सन्मानित असून विविध शासन समित्यांमधून दिव्यांगांसाठी व समाजासाठी सक्रिय भूमिका बजावली आहे. त्यांच्या नेतृत्वाखाली संस्था “सक्षम दिव्यांग, सक्षम समाज” या ध्येयाने कार्यरत आहे. संस्थेच्या सर्व उपक्रमांमधून दिव्यांग व्यक्तींचा आत्मविश्वास वाढवणे, त्यांना मुख्य प्रवाहात आणणे आणि सन्मानाने जगण्यासाठी आवश्यक वातावरण तयार करणे हेच संस्थेचे मिशन आहे.